Sumqayıtın mərkəzi küçəsində işıqforların iş qrafikindəki dəyişikliyin səbəbi bəlli olub. Bu haqda 11 mart tarixində Sumqayıt24 xəbər verir.
Söhbət Sülh küçəsindən gedir. Göyərçin parkından gələn istiqamətdə adıçəkilən küçənin bir neçə prospekt və küçə ilə kəsişməsində hərəkət nizamlayıcılarının taymeri 60 saniyədən 95-ə qədər qaldırılıb.
Məsələ ilə bağlı “Siqnal” İxtisaslaşdırılmış Layihə-İstehsalat İdarəsi Sumqayıt24-ə bildirib ki, həmin ərazidə hərəkətin fasiləsizliyini təmin etmək və sıxlığın qarşısını almaq məqsədilə sınaq müddətinə yaşıl dalğa effekti yaradılmışdır. Lakin bu hal özünü doğrultmayıb. Sözügedən küçələrdə işıqforların iş prinsipi yenidən əvvəlki vəziyyətinə qaytarılıb.
