Novxanı kəndinin 2 küçəsinin sakinləri içməli suyun təminatı ilə bağlı çətinlik yaşayırlar. Bu haqda 15 iyul tarixində Sumqayıt24 Xezerxeber.az-a istinadən məlumat verir.
Kəndin İsmət Qayıbov və 20 Yanvar küçələrində təxminən 500-ə yaxın ailə yaşayır. Sakinlər iddia edirlər ki, evlərdə su sayğacı olsa da, mənzillərə su verilmir.
Şikayətçilər yay başlayandan aidiyyəti quruma problemlə bağlı müraciət etsələr də, şikayətlərinə baxılmır.
Məsələ ilə bağlı Novxanı kəndində yerləşən Bağlar Su İdarəsindən bildirilib ki, həmin küçələrə saathesabı su verilir. Ancaq hazırda nasos problemi səbəbindən evlərə suyun verilməsində çətinlik yaranıb. Su problemi yaxın vaxtlarda tam aradan qaldırılacaq və sakinlər içməli su ilə tam təmin ediləcəklər.
