Nəsimi adına Mədəniyyət və İstirahət parkında yarımtikililər burada gəzən Sumqayıt sakinlərini narahat edir. Sumqayıt24 bu haqda bu gün, 23 mart tarixində Sumqayit.tv-yə istinadən xəbər verir.
Vətəndaşların sözlərinə görə, Şəhidlər xiyabanı və Göyərçin abidəsi arasındakı meşəlik ərazidə sözügedən yarımtikilələrə narkomanlar yığışır. Onlar burada gəzən zaman narahatlıq və qorxu hissindən qurtula bilmədiklərini bildiriblər.
“Antisanitariya baş alıb gedir. Park ərazisidir, səliqə-səhman yaratsalar yaxşı olar. Xüsusilə axşamlar gəzintiyə çıxanda ehtiyat edirik. Aidiyyəti qurumlardan xahiş edirik ki, bu problemin həllində bizə kömək olsunlar", - deyə sakinlər əlavə edib.
