Saray qəsəbəsinin sakinləri internet təminatı ilə bağlı çətinlik çəkirlər. Sumqayıt24 bu haqda 31 may tarixində məlumat verir.
Söhbət Üzümlük massivindən gedir. Sakinlərin sözlərinə görə, bir neçə ay bundan əvvəl ərazidə “KATV1” şirkətinin internet dirəkləri quraşdırılıb: “İnternet xəttinin çəkilməsi ilə bağlı şirkətə müraciət etmişik, mənzilə ən yaxın olan dirəkdə artıq yer olmadığını bildiriblər. Yanındakı digər dirəkdən xəttin çəkilməsinin əlavə xərclərinin tərəfimizdən qarşılanacağını söylədik, lakin nəzərə alınmayıb.
Qəsəbə ərazisində internet böyük problemdir. Əvvəl şirkət yox idi, indi isə şirkət gəlib, düzgün işləmirlər”, - deyə sakinlər bildiriblər.
