Satmaq öhdəliyi ilə kirayə menzil fonduna Sarayda yerləşən mənzillər əlavə edilib. Bu haqda 7 iyun tarixində Sumqayıt24 İpoteka və Kredit Zəmanət Fonduna istinadən xəbər verir.
İpoteka və Kredit Zəmanət Fondu tərəfindən qəsəbənin Məhəmməd Əsədov küçəsində yerləşən yaşayış kompleksi üzrə 210 mənzil təklif olunur. Mənzillər 1, 2 və 3 otaqlıdır, aylıq ödəniş 357 manatdan başlayır.
Yeni mənzillər Elektron ipoteka və kredit zəmanət sistemi (EİKZS) üzərindən vətəndaşların seçimi üçün 21 iyun 2023-cü il tarixindən etibarən açıq olacaq. Vətəndaşlar yaşayış kompleksləri üzrə təklif olunan mənzillərin siyahısı ilə link vasitəsilə tanış ola bilərlər.
