Sumqayıtda Azərbaycan prospektinin bir hissəsində antisanitariya hökm sürür. Bu haqda Sumqayıt24-ə izləyicilər xəbər verib.
Onların sözlərinə görə, sözügedən problem “Əşya bazarı”nın yaxınlığında müşahidə olunur. Belə ki, burada kanalizasiya suları yerin altı ilə axır, lakin kollektorun üstu açıq qalıb və ətrafı pis qoxu bürüyüb. Piyadalar və burada fəaliyyət göstərən yanacaq doldurma məntəqəsinə gələn sürücülər bu qoxuya təb gətirə bilmirlər.
Bundan əlavə bura müxtəlif növ tullantılarda atılır və günlərlə, elə olur ki həftələrlə yığışdırılmır.
Daha əvvəl, Yaşıldərə yaşayış massivində çirkab suların yerin üstü ilə axıdılması haqda xəbər vermişdik.
