Sumqayıt şəhər sakinləri evlərə verilən qazın təzyiqindən gileylənirlər. Bu problemlə onlar XəzərTV-yə müraciət ediblər.
Məlumata əsəsən, Hacı Zeynalabdin Tağıyev qəsəbəsinin 5/7 saylı binasında yaşayan vətəndaşlardan biri redaksiyaya müraciət edib. O, qəfl artan və azalan qazın videosunu təqdim edib.
"Sırağa gün qazı kəsmişdilər, bütün gün qaz olmayıb. Saat 5-dən verildi, düz bir saat hava gəldi, ondan sonra isə qaz. Oda ya güclənir, ya da zəyif gəlir",- sakin bildirib.
Azəriqaz İB-dən bildirilib ki, əraziyə baxış keçirilib, lakin hər hansı bir problem aşkar olunmayıb.
"Ola bilsin ki, vətəndaşın özünün cihazında, onun xəttində bir problem ola bilər və bunu yerində araşdırmaq daha məqsədə uyğun olar. Qazın təzyiqi hal-hazırda və bundan əvvəl də həmin ərazidə normalara uyğun şəkildə verilir,"- "Azəriqaz" İB-nın mətbuat katibi Eldəniz Vəliyev bildirib.
Həmçinin Vəliyev elavə edib ki, vətəndaşların qazın təzyiqi ilə bağlı hansısa problem yaransa, bu barədə quruma məlumat verməlidirlər.
