Sumqayıtın bir çox ərazisində sulu qar və yağış səbəbindən yollar su içində qalıb. Bu haqda Sumqayıt24-ə bu gün, 24 dekabr tarixində xəbər verilib.
Məlumata görə, şəhərin Azərbaycan prospektinin (18 və 19-cu məhəllələrin arasındakı yol) bir neçə yerində geniş gölməçələr yaranıb. İzləyicilərimizin dediyinə görə, onlar bu yolu keçməkdə çətinlik çəkirlər. Bundan əlavə, 20-ci məhəllənin Gənclik və Kamran Hüseynov küçələrində bənzər vəziyyət müşahidə olunur. Burada olan çuxurlar və kiçik çalalar su ilə dolub. Bu isə tək piyadaların yox, avtomobillərin də hərəkətinə maneə yaradır.
Həmçinin, Uzeyir Hacıbəyov küçəsində, yeni “Bravo”nun arxa tərəfindəki yol həmin səbəbdən keçilməz hala düşüb.
Foto Sumqayıt24
Foto Sumqayıt24
