Sumqayıt şəhər Çerkassı küçəsində problemlər bitmək bilmir. Bu haqda Sumqayıt24-ə bu gün, 3 yanvar tarixində məlumat daxil olub.
Bizə təqdim olunan fotomateriallarda görünür ki, küçənin bu hissəsində yollar dağınıq vəziyyətdədir. Yollarda çatlar, böyük çalalar və üstü açıq kanalizasiya quyusu var. Bu problemlər, ən əsas da döngədə olan çala, sürücülərin təhlükəsiz hərəkətini çətinləşdirir.
Həmçinin, yolun hərəkət hissəsinə zibil qutuları da qoyulub. Sürücülərin sözlərinə görə, bu amil onların hərəkət etməsinə maneə yaradır.
Bundan əlavə, yol boyunca piyada səkisi yoxdur. Piyadalar ya avtomobil yoluna çıxmalı, ya da ki palçıq və daşların üzərində yeriməli olurlar.
Foto Sumqayıt24
Foto Sumqayıt24
Foto Sumqayıt24
