Sumqayıt – H.Z.Tağıyev yolunda aparılan genişləndirmə işlərinin yekunlaşacağı vaxt məlum olub. Burada yol 4 zolaqlı edilir. Sumqayıt24 bu haqda XəzərTV-yə istinadən xəbər verir.
Belə ki, şəhərdən Tağıyev qəsəbəsi istiqamətində uzanan yolun 1,5 km-lik hissəsində yeni hərəkət zolaqlarına artıq iki qat asfalt-beton örtüyü qoyulub. Hazırda mərhələli şəkildə yolun qalan 12 km-lik hissəsinə də asfalt döşənir.
Məlumata görə, işlər 2022-ci ilin sonunda yekunlaşacaq.
Xatırladaq ki, yolun eni 15 metrdən 23-25 metrədək, hərəkət hissəsi isə 7-10 metrdən 15 metrədək artırılır.
