Bu gün Sumqayıt-Pirşağı-Bakı istiqamətində hərəkət edən qatar reysi ləğv olunub.
Qeyd olunub ki, saat 08:22-də Zabratdan keçəcək olan qatarın ləğv edildiyi bildirilib:
"Ləğv olunma səbəbi haqqında isə heç bir məlumat verilməyib".
Məsələ ilə bağlı "Azərbaycan Dəmir Yolları" QSC-nin şöbə müdiri Bəxtiyar Hacıyev Oxu.Az-a açıqlamasında bildirib ki, səbəb texniki nasazlıq olub.
"Sumqayıt-Bakı marşrutu üzrə hərəkət etməli olan qatarda texniki nasazlıq aşkar edildiyi üçün reyslərdən biri ləğv olunub, sərnişinlər digər reyslərə yönləndiriliblər", - deyə B.Hacıyev bildirib.
