Sumqayıt şəhərinin 13-cü mikrorayonunda yolun hərəkət hissəsində olan lyuk sürücülərə problem yaşadır. Bu haqda onlar Sumqayıt24-ə məlumat veriblər.
Məlumata əsasən, kanalizasiya quyusu Təcili Tibbi Yardıma yaxın ərazidədir. Lyuk yolla müqayisədə aşağıda yerləşir. Sakinlərin sözlərinə görə, burada artıq neçə maşına maddi ziyan dəyib.
“Bu quyuya düşməmək dərdindən, hər dəfə maşını əks istiqamətdə gedən yola çıxarmalı oluruq. Hər dəfə həyatımızı riskə atırıq”, - deyə sürücü bildirib.
Sumqayıtda 11-ci mikrorayon və 48-ci məhəllə ərazisində olan problemli quyular haqda məlumat vermişdik.
