Sumqayıt şəhərində dəm qazından zəhərlənənlərin vəziyyəti məlumdur.
Sumqayit24.az-a Sumqayıt Tibb Mərkəzindən bildirilib ki, 22.01.2026-ci il tarixində saat 02:40 radələrində dəm qazından zəhərlənmə şübhəsilə 2-si yeniyetmə olmaqla 4 nəfər (2 kişi, 2 qadın) Sumqayıt Tibb Mərkəzinin Təcili Tibbi Yardım və Uşaq Xəstəxanasına hospitalizasiya olunub:
"Onlara dəm qazının toksiki təsiri diaqnozu təyin olunub və zəruri tibbi yardım göstərilib.
Vəziyyətləri qənaətbəxş qiymətləndirilən şəxslərin hər biri ambulator müalicə üçün evə buraxılıb".
***
Sumqayıt şəhərində dəm qazından zəhərlənmələr qeydə alınıb.
Sumqayit24.az-a daxil olan məlumata görə, hadisə şəhərin Xəzər bağları ərazisində yerləşən fərdi evdə qeydə alınıb.
Belə ki, 1979-cu il təvəllüdlü Emin Məhəmməd oğlu Əliyev, 1990-cı il təvəllüdlü Günel Səməndər qızı Əliyeva, 2009-cu il təvəllüdlü Məhəmməd Emin oğlu Əliyev və 2012-ci il təvəllüdlü Mədinə Emin qızı Əliyeva zəhərlənmə diaqnozu ilə şəhər Təcili Tibbi Yardım Xəstəxanasına yerləşdiriliblər.
Hazırda onların vəziyyətinin orta-ağır olduğu bildirilir. Hadisənin səbəbləri ilə bağlı araşdırma aparılır.
