Sumqayıtda yarımçıq asfaltlanma işləri narazılıq doğurub.
Sumqayit24.az-a daxil olan məlumata görə, 9-cu mikrorayon, bina 31A-nın qarşısında aparılan yol təmiri sakinlərin etirazına səbəb olub.
Fotolardan da görünür ki, asfalt yalnız müəyyən hissəyə çəkilib.
"Heç asfaltlanma olmasa, daha yaxşı olardı. Hazırkı vəziyyət həm ərazinin görüntüsünü pozur, həm də yağış yağan zaman su asfaltlanmamış yerlərə yığılır",- deyə şikayətçilərdən biri bildirib.
Vətəndaşlar aidiyyəti qurumlardan işlərin tam yekunlaşdırılmasını tələb edirlər.
