Xəbər verdiyimiz kimi, Mehdi Hüseynzadə adına Sumqayıt şəhər stadionu, boks bölməsindəki şəraitsizlik valideynlərin narazılığına səbəb olub.
Şikayətə əsasən, sözügedən yerdə istilik sistemləri hazırda fəaliyyət göstərmir.
Məsələ ilə bağlı Azərbaycan Boks Federasiyasının (ABF) mətbuat xidmətindən Sumqayit24.az-a bildirilib ki, belə vəziyyət stadionun ümumi problemidir.
"Tezliklə aradan qaldırılacaq", - deyə qurum qeyd edib.
***
Mehdi Hüseynzadə adına Sumqayıt şəhər stadionu, boks bölməsindəki şəraitsizlik valideynlərin narazılığına səbəb olub.
Sumqayit24.az-a daxil olan şikayətə əsasən, sözügedən yerdə istilik sistemləri hazırda fəaliyyət göstərmir.
Valideynlərin məlumatına görə, uşaqlar soyuq və buz kimi şəraitdə məşq etməyə məcbur qalırlar.
"Bu qədər böyük idman kompleksində istilik sistemlərinin işləməməsi ciddi problemdir. Uşaqlar qışın sərt günlərində soyuq yerdə məşq edirlər və bu, onların sağlamlığı üçün təhlükə yaradır. Sağlam uşağı məşqə göndəririk, xəstələnib geri qayıdırlar", – deyə şikayətçilərdən biri qeyd edib.
Vətəndaşlar tez bir zamanda istilik sistemlərinin fəaliyyət göstərməsini tələb edirlər.
Qeyd edək ki, məsələ ilə bağlı aidiyyəti quruma sorğu ünvanlanıb.
