Sumqayıtda piyada zolağındakı vəziyyət narahatlıq doğurur.
Sumqayit24.az-a daxil olan məlumata görə, Koroğlu prospekti, "Dədə Qorqud" şadlıq evinin yaxınlığındakı ərazidə piyada zolağı görünməz vəziyyətdədir. Bundan əlavə, piyada zolağı ilə bağlı nişan da yoxdur.
Yerli sakinlərin məlumatına əsasən, nişanlanma görünmədiyi üçün sürücülər piyadalara yol vermirlər.
"Piyada zolağının görünməməsi bir dərd, avtomobillərin yol verməməsi ayrı dərd. Bu yoldan gündəlik olaraq xeyli insan istifadə edir. Xüsusilə də yaşlılar və uşaqlar üçün ərazi real təhlükədir",- deyə şikayətçilərdən biri bildirib.
Vətəndaşlar müvafiq qurumlardan əraziyə baxış keçirilməsini və problemin qısa zamanda aradan qaldırılmasını tələb edirlər.
