Sumqayıtda dəm qazından zəhərlənmə faktları qeydə alınıb.
Nocomment.аz-ın məlumatına görə, şəhərin 18-ci məhəllə ərazisində 1987-ci il təvəllüdlü Gültəkin Nofəl qızı Məmmədova hamam otağında dəm qazından zəhərlənib. Zərərçəkənin vəziyyəti orta-ağır qiymətləndirilir. O, hazırda Sumqayıt şəhər travmatologiya şöbəsinin təcili yardım bölməsində müalicə alır.
Digər hadisə isə 18-ci mikrorayon ərazisində qeydə alınıb. 1975-ci il təvəllüdlü Röya Vilayət qızı Qurbanova hamam otağında dəm qazından zəhərlənib.
Onun vəziyyətinin ağır olduğu bildirilir və zərərçəkən Sumqayıt Təcili Tibbi Yardım Xəstəxanasına yerləşdirilib.
