Sumqayıtda daha bir ərazidə antisanitar vəziyyət yaranıb.
Sumqayit24.az-a daxil olan şikayətə əsasən, 7-8-12-ci (birləşmiş) məhəllənin Nizami küçəsində zibil qutuları aşıb-daşır.
Eyni zamanda sakinlər zibil qutusunun yerləşdiyi yerdən də narazıdılar.
Elə fotodan da aydındır ki, tullantı qutusu kənarda yox, işlək yolun üzərindədir.
“Burada hər gün vəziyyət belə olur. Bir-iki dəfə şikayət etdik, gəlib yığışdırdılar, amma bir neçə gündən sonra yenə eyni vəziyyət oldu. Bundan əlavə, hər kəsin istifadə etdiyi bu yolun ortasında zibil qutusunun nə işi var”, - deyə şikayətçilərdən biri bildirib.
Vətəndaşlar aidiyyəti qurumlardan antisanitar vəziyyətin aradan qaldırılmasını və zibil qutusunun yerinin dəyişdirilməsini tələb edirlər.
