Sumqayıtda qurumuş ağaclar təhlükəli vəziyyət yaradıb.
Sumqayit24.az-a daxil olan məlumata görə, 42-ci məhəllə, Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzin qarşısında qurumuş vəziyyətdə olan iri ağaclar hər an aşa bilər.
Vətəndaşların sözlərinə görə, bu ağaclar istənilən an budaq və ya gövdənin aşması ilə ətrafdakı insanlar və avtomobillər üçün risk yarada bilər.
Bundan əlavə, havaların küləkli keçdiyi nəzərə alsaq, ağacların aşma riski ikiqat artır.
