Sumqayıtda “İdman həftəsi” çərçivəsində gənclər arasında stolüstü tennis turniri keçirilib. Bu haqda 3 mart tarixində Sumqayıt24 Gənclər və İdman Baş İdarəsinə istinadən xəbər verir.
Gərgin və maraqlı idman mübarizəsi şəraitində keçən yarışda Hüseyn Abdullayev bütün rəqiblərinə qalib gələrək fəxri kürsünün ən yüksək pilləsinə qalxıb. Onun komanda yoldaşları Səyyad Xəsiyev 2-ci, Murad Quliyev və Nurlan Rəcəbov isə 3-cü yerləri tutublar. Qalib və mükafatçılar fəxri fərmanla təltif olunublar.
