Sumqayıtda fəaliyyət göstərən bir neçə özəl məktəbəqədər təhsil müəssisəsi Elm və Təhsil Nazirliyi tərəfindən elan edilən qrant müsabiqəsinin qalibi olub.
Sumqayit24.az xəbər verir ki, qrant mexanizminə əsasən, seçilmiş özəl məktəbəqədər təhsil müəssisələrində təhsilə cəlb olunan hər bir uşağın aylıq təhsil haqqının 250 manatlıq hissəsinin dövlət qrantı hesabına ödənilməsi, qalan məbləğin isə valideyn tərəfindən qarşılanması nəzərdə tutulub.Qrant qazanan özəl bağçalara uşaqların Azərbaycan bölməsi üzrə qeydiyyatı www.bq.edu.az portalı vasitəsilə yaxın günlərdə həyata keçiriləcək və bu barədə ictimaiyyətə əvvəlcədən məlumat veriləcək. Valideynlərə portaldakı yenilikləri izləmələri və övladlarını qeydiyyatdan keçirmələri tövsiyə olunur.
Sumqayit24.az Sumqayıtda fəaliyyət göstərən həmin bağçaların siyahısını təqdim edir:
1. "Pöhrə körpələr evi-uşaq bağçası" MMC – Sumqayıt şəhəri, Z. Hacıyev küçəsi 174
2. "Ləma uşaq bağçası" MMC – Sumqayıt, 10-cu mikrorayon, 59
3."İsminur körpələr evi-uşaq bağçası" MMC – Sumqayıt, Bakı küçəsi 195, M1, mənzil 5
4. "Şirin Arılar uşaq bağçası" MMC – Sumqayıt, Bulvar küçəsi, giriş 157A
5. "Kaspi-kids" MMC (Sumqayıt filialı) – Sumqayıt, Gənclik küçəsi 136
