2026-cı ilin ilk Super Ay hadisəsi bu həftə sonu müşahidə olunacaq.
Sumqayit24.az CNN-ə istinadən xəbər verir ki, Super Ay hadisəsini bu gün müşahidə etmək mümkün olacaq.
NASA-nın Planet Elmləri, Geologiya, Geofizika və Geokimya Laboratoriyasının direktoru Noa Petronun sözlərinə görə, Super Ay o qədər parlaq və böyük olacaq ki, başqa bir səma hadisəsi - Kvadrantid meteor yağışının müşahidəsini çətinləşdirəcək.
Məlumata görə, meteor yağışı məhz yanvarın 3-də pik nöqtəsinə çatacaq. Müşahidə üçün ən yaxşı vaxt isə yanvarın 4-də gecəyarısından sübhə qədər olacaq.
Qeyd edək ki, meteor yağışı xalq arasında "ulduz axması" kimi tanınır və inanclara görə, bu anlarda tutulan arzuların gerçəkləşdiyi düşünülür.
