Sumqayıtda “Bibliodrama” psixoloji təlimi keçiriləcək. Sumqayıt24 bu haqda 10 iyun tarixində xəbər verir.
Layihə QHT-lərə Dövlət Dəstəyi Agentliyinin maliyyə yardımı ilə Gənclər və İdman Nazirliyi, Gənclərin İnkişaf və Karyera Mərkəzi tərəfindən təşkil olunur. Məqsəd kitabla terapiyanın regional platformalarını yaratmaq, daha çox gənclərin kitab oxuyaraq psixoloji inkişafına nail olmaqdır.
Sumqayıt Gənclər Evində iki tədbir nəzərdə tutulub (27-28 iyun):
– Təqdimat: Müəllimlər, məktəb psixoloqları, kitabxanaçılar kateqoriyasından olanlara bu metod barədə tanıtım təqdimatı keçiriləcək;
– Qrup biblioterapiyası: bu tədbir Gənclər Evinin psixoloqunun iştirakı ilə region gəncləri arasında keçiriləcək. Məqsəd davamlılığı təmin etməklə sonradan da mütəmadi biblioterapiyaların təşkilidir. Layihənin bütün məlumatları və sonradan platformaların fəaliyyəti www.kitablaterapiya.az saytında işıqlandırılacaq.
Hər bir iştirakçıya sertifikat və metodik kitabçalar veriləcək.
Qeydiyyat linki: https://forms.gle/EXbv2rZh2GX7geWp6.
