Sumqayıtda psixoloji, hüquqi, sosial xidmətlər təşkil olunacaq. Sumqayıt24 bu barədə 3 sentyabr tarixində Xeberle.com-a istinadən xəbər verir.
Cari aydan etibarən "Insan alveri ilə mübarizə sahəsində əhalinin maarifləndirilməsi və fərdi məlumatlandırılmasına yönəlmiş regional proqram” layihəsinin icrasına başlanılıb. Layihə çərçivəsində həssas qrupa və risk qrupuna daxil olan şəxslər üçün fərdi psixoloji, hüquqi, sosial xidmətlər təşkil olunacaq, insan alveri mövzusunda TV verilişlər yayımlanacaq, əhalinin müxtəlif qruplarını təmsil edən şəxslər arasında sorğular keçiriləcək.
Həmçinin insan hüquqlarının müdafiəsi sahəsində çalışan qurumların nümayəndələri, praktik hüquqşünaslar, vəkillər və sosial aktiv şəxslər üçün xüsusi təlimlər təşkil olunacaq.
Layihənin imkanlarından yararlanmaq istəyən şəxslər, eləcə də onun icrasında könüllü qismində iştirak etmək istəyənlər aşağıdakı əlaqə nömrələri ilə əlaqə saxlaya bilərlər:
(050) 680 22 22, (050) 300 87 88, (01864) 2 48 27.
Ünvan: 1-ci mkr, bina 45b, Mərkəzi kitabxananın yanındakı hündürmərtəbəli binanın 1-ci mərtəbəsi.
