1949-cu ildə şəhərin əhalisi 17 min nəfər təşkil edirdisə, 2020-ci ildə bu rəqəm artıq 345 minə çataraq, Sumqayıt ölkəmizin əhali sayına görə ikinci şəhəri olub. 71 il ərzində şəhərin əhalisi demək olar ki 20 dəfə artıb.
1980-ci illərdə şəhər əhalisinin orta yaşı 25 il təşkil edirdi.
Sovet dövründə Sumqayıt şəhərində uşaq ölümü o qədər yüksək idi ki, hətta burada xüsusi uşaq qəbirstanlığı da yaradılmışdır.
Şəhərdə yerləşən kimyəvi müəssisələr ətraf mühitin çirklənməsinə görə Sovet İttifaqında birincilərdən sayılırdı.
Sovet dövründə Sumqayıtın hər beşinci sakini cinayət məsuliyyətinə malik idi. 1981-1988-ci illərdə Sumqayıtda 2000-dən çox azad edilmiş məhkum məskunlaşmışdır.
Mənbələr:
Məmmədov R.S., Sadıqov H.Ş. Sumqayıt: tarixdən səhifələr (1930-2000). Sumqayıt-2010.
Томас де Ваал. Черный сад. Москва - 2005.
Azərbaycanın demoqrafik göstəriciləri. Statistik məcmua. Bakı-2020.
