“Gənclik şəhəri” kimi tanınan Sumqayıtın yubileyidir. Sumqayıta tam 75 il öncə, yəni 22 noyabr 1949-cu ildə Azərbaycan SSR Ali Soveti Rəyasət Heyətinin qərarı ilə şəhər statusu verilib.
Xəzər dənizinin sahilində salınan şəhərdə 1938-ci ildən sənaye obyektlərinin tikintisi başlanıb. Sumqayıtın ilk sənaye obyekti olan İstilik Elektrik Stansiyası 1941-ci ildə işə düşüb. Sumqayıt ərazisində şəhərin yaranması burada tikilən İstilik Elektrik Mərkəzi və Boruyayma zavodu ilə bağlıdır.
Hazırda “gənclik şəhəri” ölkənin ikinci böyük sənaye mərkəzidir. Yarım milyona yaxın əhalisi olan Sumqayıt öz məşhur elm adamları, idmançıları, sənətçiləri, təhsili, ənənəvi olaraq hər il qəbul imtahanlarında ən yüksək bal toplayan gəncləri ilə tanınır.
Qeyd edək ki, tarixi mənbələrdə Sumqayıtın adı ilk dəfə ingilis səyyahı Berrou tərəfindən 1580-ci ildə qeyd olunub.
