Azərbaycanın 3 yunan-Roma güləşçisi dünya çempionatında qızıl medal qazanıb.
Sumqayit24.az xəbər verir ki, çempionat Albaniyanın paytaxtı Tiranada keçirilib.
55 kq çəki dərəcəsində mübarizə aparan Eldəniz Əzizli finalda iranlı Poya Marza xalların keyfiyyətinə görə (1:1) qalib gələrək 4-cü dəfə dünya çempionu tituluna sahib olub.
63 kq çəki dərəcəsində mübarizə aparan Nihat Məmmədli qazaxıstanlı Yerjet Jarlikassiyə 6:1 hesabı ilə qalib gələrək qızıl medala yiyələnib.
72 kq çəki dərəcəsində mübarizə aparan Ülvü Qənizadə fransalı rəqibi İbrahim Qanemə 3:2 hesabı ilə qalib gələrək çempion olub.
