Bosniya və herseqovinalı futbolçu Almir Aqanspahiçi "Sumqayıt"dan ayrılıb. Sumqayıt24 bu haqda 6 yanvar tarixində Report.az-a istinadən xəbər verir.
"Sumqayıt" cari mövsümün əvvəlində icarəyə götürdüyü 27 yaşlı hücumçu ilə yayadək müqavilə imzalamışdı. Lakin müqavilə ilə məxsus olduğu Serbiyanın "Çukariçki" klubu onu geri qaytarmaq qərarına gəldi.
Aleksey Baqanın rəhbərliyi altında müntəzəm olaraq oynayan Aqanspahiç Samir Abasovun gəlişindən sonra ehtiyatda qaldığını vurğulayıb: "15 oyun keçirsəm də, bundan razı deyiləm. Qətərdə keçirilən dünya çempionatı zamanı Azərbaycan Premyer Liqasında fasilə olmadı".
Ölkəmizdəki stadionların infrastrukturu, məşq şəraiti futbolçunu çox təəccübləndirib:
"Sumqayıtda yeni arena tikilib, tezliklə açılışı olacaq. Digər tərəfdən, ölkədə “Qarabağ” kimi çox keyfiyyətli klublar var. Yeri gəlmişkən, "Çukariçki" Türkiyədəki hazırlıq zamanı onlarla yoldaşlıq oyunu keçirəcək".
