Sumqayıtda Aprel şəhidlərinin xatirəsinə həsr olunmuş şahmat turniri yekunlaşıb. Sumqayıt24 bu haqda Gənclər və İdman Baş İdarəsinin sosial şəbəkə hesabına istinadən məlumat veririk.
Yarış Sumqayıt Olimpiya İdman Kompleksində təşkil edilmişdir. Burada, Bakı və Sumqayıtın 7 komandasından 50-ə yaxın iştirakçı mübarizə aparıb. Nəticədə Dəyənat Vəqfi - Bakı Türk Liseyi 1-ci, Bakı Anadolu Liseyi 2-ci, Bakı İstanbul Liseyinin komandası isə müvafiq olaraq 3-cü yeri tutublar.
Mükafatlandırma tədbirində ilk öncə, idarənin rəisi Elgün Hümbətov çıxış edərək şəhidlərimizin əziz xatirəsini yad edib. Daha sonra qaliblərə mükafatlar təqdim olunub. Sonda isə 1-ci yerin sahiblərinə kubok təqdim olunub.
