Sumqayıtda keçiriləcək futbol üzrə Azərbaycan - Haiti yoldaşlıq oyununun biletləri satışa çıxarılıb.
Sumqayit24.az xəbər verir ki, bu barədə AFFA-nın rəsmi saytı məlumat yayıb. Biletlərin qiyməti 2, 5 və 10 (VİP) manat təşkil edir.
Azarkeşlər biletləri "Gənclik Mall", "28 Mall", Köşk No1 (Sahil m. M.Rəsulzadə 3), Köşk No2 (Bülbül prospekti, Nizami küç.), 1 Saylı ASAN xidmət mərkəzi, 2 Saylı ASAN xidmət mərkəzi, 3 Saylı ASAN xidmət mərkəzi, 4 Saylı ASAN xidmət mərkəzi və 1 Saylı Sumqayıt Regional ASAN xidmət mərkəzindən əldə edə bilər.
Oyun günü matçın keçiriləcəyi Mehdi Hüseynzadə adına stadionun kassalarında da bilet satışı təşkil olunacaq.
Qeyd edək ki, qarşılaşma 22 mart saat 21:45-də başlayacaq.
