Sumqayıt üzrə həftənin idman afişası açıqlanıb. Bu barədə 1 noyabr tarixində Gənclər və İdman Nazirliyinə istinadən xəbər veririk.
Bu gün saat 15:30-dan etibarən minifutbol üzrə “Zəfər Kuboku"na start verilir. İdarə, müəssisə və təşkilatların komandaları "Kapital Bank Arena” stadionunda mübarizə aparacaqlar. Yarış noyabrın 5-dək davam edəcək.
Bundan əlavə, "Sağlam həyat" lahiyəsi çərçivəsində qılıncoynatma üzrə nümunəvi çıxışlar baş tutacaq. İdman tədbiri 3 noyabr saat 16:00-da Sumqayıt Dövlət Universitetinin III korpusunda təşkil olunacaq (16-cı məhəllə).
