Vaqif Cavadov “müvəqqəti baş məşqçi” statusundan qurtulmaq üzrədir.
Sportinfo.az-ın məlumatına görə, “Sumqayıt” futbol klubunun çalışdırıcısı bunun üçün sadəcə bir qədər gözləməlidir. Komanda rəhbərliyi onunla bağlı yeni qərar verib.
Belə ki, gənc mütəxəssis onların etimadını doğruldub. “Kimyaçılar” Cavadovun gəlişiylə uğursuzluq zolağından xilas olub və 3 qələbə qazanıblar. Xallarının sayını 16-ya yüksəldən “Sumqayıt” turnir cədvəlində 6-cı pilləyə yüksəlib.
Əgər kollektiv qış fasiləsinədək minimum daha iki qalibiyyət əldə etsə, Cavadovla yeni müqavilə imzalanacaq və baş məşqçi postuna təyinatı rəsmiləşəcək.
