Sumqayıtda cüdo üzrə IX beynəlxalq turnir başa çatıb. Sumqayıt24 bu barədə 12 dekabr tarixində şəhər Gənclər və İdman Baş İdarəsinə istinadən xəbər verir.
Ümummilli lider Heydər Əliyevin xatirə gününə həsr olunmuş turnir Sumqayıt Olimpiya İdman Kompleksində keçirilib. Yarış cüdo üzrə 2007-2009-cu il təvəllüdlü oğlan və qızlar arasında təşkil olunub.
Turnirdə Hollandiya ilə yanaşı, respublikamızın 18 şəhər və rayon komandalarının 300-dən artıq idmançısı qalib adı uğrunda mübarizə aparıb.
İdman tədbirini Azərbaycan Cüdo Federasiyası tərəfindən təyin edilmiş hakimlər heyəti idarə edib.
Turnirin qalib və mükafatçıları Sumqayıt şəhər Gənclər və İdman Baş İdarəsi tərəfindən fəxri fərman, medal və hədiyyələrlə mükafatlandırılıblar.
