Sumqayıtda cüdo üzrə şəhər birinciliyi keçiriləcək. Sumqayıt24 bu haqda 2 fevral tarixində Cüdo Federasiyasına istinadən xəbər verir.
Yarış fevralın 4-də Sumqayıt Olimpiya İdman Kompleksində baş tutacaq. Burada 16 çəki dərəcəsində, yaşı 21-ə qədər olan 120-yə yaxın idmançı mübarizə aparacaq. Qarşılaşmaları izləmək üçün arenaya giriş sərbəstdir.
Yüksək nəticə göstərən cüdoçular 22-24 fevralda keçiriləcək U-21 Azərbaycan birinciliyinə seçilə bilərlər.
Qeyd edək ki, yarış Federasiya və Sumqayıt Şəhər Gənclər və İdman İdarəsi tərəfindən təşkil olunacaq.
