Sumqayıtda “Cürət” futbol klubunun tanıtım mərasimi keçirilib. Sumqayıt24 bu barədə 12 dekabr tarixində DünyaTV-yə istinadən xəbər verir.
Toplantı Corat qəsəbəsinin Mədəniyyət Evində baş tutub. Burada futbol federasiyası assosiasiyasının tanınmış nümayəndələri, icra nümayəndəlikləri, şəhid ailələri və gənc futbolçular iştirak ediblər. Əvvəlcə şəhidlərimizin əziz xatirəsi bir dəqiqəlik sükutla yad edilib.
1950-ci ildən fəaliyyət göstərən “Delfin” komandası 2021-ci ildən “Cürət” futbol komandası olaraq yenidən bərpa olunub. Komanda 2021-ci ildə Anatoli Banişevskinin 75 illiyinə həsr olunmuş turnirdə bütün oyunları udaraq qalib elan olunub. Qonaqlar öz təbriklərini diqqətə çatdırıblar. Sonda AFFA tərəfindən yeni yaradılmış komandaya futbol geyimləri hədiyyə edilib.
