Sumqayıtlı şahmatçılar rapid və blits üzrə dünya çempionatında növbəti oyunlarını keçiriblər. Bu barədə 28 dekabr tarixində Sumqayıt24 xəbər verir.
Yarışın rapid növündə 6, 7, 8 və 9-cu turların görüşləri baş tutub. Qrosmeysterlərimiz Şəhriyar Məmmədyarov görüşlərin hamısında heç-heçə edib, Vasif Durarbəyli isə 1 qələbə, 1 heç-heçə və 2 məğlubiyyətə imza atıb.
Hazırda Məmmədyarov 6 xalla 23-cü, Durarbəyli isə 4 xalla 108-ci sıradadır.
Qeyd edək ki, Qazaxıstanın Almatı şəhərində təşkil olunan dünya çempionatı dekabrın 30-da başa çatacaq. Mükafat fondu 1 milyon ABŞ dolları olan turnirdə 258 qrosmeyster (155 kişi, 103 qadın) mübarizə aparır.
