Bakıda paracüdo üzrə dünya çempionatı baş tutacaq. Bu barədə 29 oktyabr tarixində Milli Paralimpiya Komitəsinə istinadən xəbər veririk.
Yığmamızın heyəti kişilərdən və qadınlardan ibarət paracüdo üzrə milli komandaların məşqçiləri ilə keçirilən iclasda elan olunub. Mötəbər yarışda dörd sumqayıtlı idmançı iştirak edəcək. Bunlar İlham Zəkiyev (+90 kq J1), Namiq Abaslı (-73 kq J2), Vüqar Şirinli (-60 kq J2) və Şəhanə Hacıyevadır (-48 kq J2).
Qeyd edək ki, dünya çempionatı 8-10 noyabr tarixlərində Heydər Əliyev adına İdman və Konsert Kompleksində təşkil olunacaq.
