Futbolçumuz Vüsal İsgəndərli İrəvanda meydana çıxıb. Sumqayıt24 bu haqda 14 iyul tarixində xəbər verir.
Azərbaycanlı futbolçu Albaniyanın “Eqnatia” klubu ilə birlikdə Ermənistana yollanıb. Onun komandası Konfrans Liqasının 1-ci təsnifat mərhələsində “Ararat”la qarşılaşıb. Vüsal matçın 59-cu dəqiqəsində meydana çıxıb və erməni azarkeşləri onu fitə basıblar. Qarşılaşma 1:1 hesabı ilə bitib.
Vüsal İsgəndərli şəhər gəzintisindən təəsüratları ilə də bölüşüb:
“İrəvanda çoxlu köhnə bina var. Burada mənim azərbaycanlı olduğumu bilirlər, elə bil ki, mənim şəkillərimi hər kəsə göstəriblər. Belə hər şey qaydasındadır, problem yoxdur. Yanımdan keçəndə bəziləri nə isə deyirlər, amma mən anlamıram”.
Qeyd edək ki, hücumçu bu yay “Sumqayıt”dan ayrılıb.
