Futbol agenti Camal Akayev serb mütəxəssis Saşa İliçin "Sumqayıt"a baş məşqçi təyin olunmasına münasibət bildirib.
Sumqayit24.az "Championat"a istinadən xəbər verir ki, futbol adamı serb məşqçi barədə bunları deyib:
"Sumqayıt"ın prezidenti ilə yaxşı münasibətim var. Yeri gəlmişkən, "Spartak Moskva"nın sabiq futbolçusu və müştərim Silvanus Nimeli ötən mövsüm bu klubda çıxış edib. Azərbaycanda mövsüm başa çatdıqdan sonra bir sıra məşqçiləri müzakirə etdik. Xüsusilə, rusiyalıların adları da çəkildi. Ona Saşa İliçə diqqət yetirməyi təklif etdim. Buna dərhal qiymət verdilər. Danışıqlarda hər şey dərhal istənilən kimi olmadı. Amma "Sumqayıt" rəhbərliyi bu məsələdə çox israrlı idi. Sonda da nəticəni əldə etdilər".
