“Sumqayıt” Futbol Akademiyasının 18 üzvü gücünü şahmatda sınayıb. Bu haqda 14 dekabr tarixində Sumqayıt24 xəbər verir.
“Sumqayıt” futbol klubu və “Məmmədyarovlar” şahmat məktəbi “Kapital Bank Arena”da yarış təşkil edib. Burada akademiyanın məşqçi və futbolçu heyəti (U-10-dan U-19-dək) mübarizə aparıb. Məqsəd gənc futbolçularda taktiki düşüncənin inkişaf etdirilməsidir.
Yarışı “Sumqayıt” FK-nın prezidenti Riad Rəfiyev və baş məşqçi Samir Abasov da izləyiblər. Şahmat məktəbinin rəhbəri, beynəlxalq dərəcəli qrosmeyster Zeynəb Məmmədyarovaya klubun idman geyimi təqdim edilib.
Qeyd edək ki, həftənin müəyyən günlərində akademiyanın idmançılarına şahmat dərsləri keçiriləcək.
