“Alüminiumçu” İdman Evində “İdman hamı üçün” layihəsi çərçivəsində sərbəst güləş üzrə ustad dərsləri təşkil edilib. Bu haqda 16 iyul tarixində Sumqayıt24 xəbər verir.
İdman tədbiri Gənclər və İdman Nazirliyinin yaradılmasının 30 illik yubileyinə həsr olunub. Ustad dərsləri Yeniyetmələrin Sinqapur Yay Olimpiya Oyunlarının gümüş mükafatçısı, Avropa birinciliyinin qalibi Kənan Quliyev tərəfindən aparılıb.
Məqsəd yeniyetmə və gənclər arasında sağlam həyat tərzinə çağırış və asudə vaxtın səmərəli təşkilidir.
