Sumqayıtda “İdman həftəsi” çərçivəsində karate (WKF) üzrə birincilik keçirilib. Bu haqda 6 mart tarixində Gənclər və İdman Baş idarəsinə istinadən xəbər veririk.
Yarış 2012-2013-cü il təvəllüdlü oğlan və qızlar arasında təşkil olunub. Çempionatda müxtəlif yaş qruplarında 25 çəki dərəcəsi üzrə 80-dən artıq idmançı qalib adı uğrunda mübarizə aparıb. Sonda qalib və mükafatçılar Fəxri Fərman və medalla təltif olunublar.
