Kişi idman gimnastikası üzrə 29-cu, qadın idman gimnastikası üzrə 8-ci Açıq Bakı Çempionatı və Açıq paytaxt birinciliyi keçirilib. Bu haqda 11 may tarixində Sumqayıt24 xəbər verir.
Yarış Milli Gimnastika Arenasında baş tutub. Birincilikdə Sumqayıt şəhər 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat Məktəbi (İOEUGİŞM) 24-ü qadın və 29-u kişi olmaqla ümumilikdə 53 idmançı ilə təmsil edilib.
Xanım idmançılar dayaqlı tullanma, müxtəlif hündürlüklü qollar, gimnastika tiri, sərbəst hərəkətlərdə, kişi gimnastlar isə sərbəst hərəkətlər, gimnastika atı, halqalar, dayaqlı tullanma, parallel qollar və turnikdə qüvvələrini sınayıblar.
