"Sumqayıt" futbol klubunda ötən ilin yayında ciddi zədə alan İsa Sulimanın yaşıl meydanlara qayıdacağı vaxt hələ məlum deyil.
Futbolpress.az-ın əldə etdiyi məlumata görə, bir ildən çoxdur futbolsuz qalan Suliman ən yaxşı halda, yanvardan sonra məşqlərə başlaya bilər. Dizin ön çarpaz bağlarından zədə alan müdafiəçi daha əvvəl əməliyyat olunmuş, lakin bərpa kursu düzgün keçilməmişdi. İsa üçün yeni müalicə kursu başladılıb.
Futbolçunun ən tez gələn il yaşıl meydanlara qayıtmaq ehtimalı var.
Suliman 2023-cü ilin iyulunda "Sumqayıt"a transfer olunub. O, "kimyaçılar"la Premyer Liqada 27 oyuna çıxıb.
