Sumqayıt idmançıları bədii gimnastika üzrə “Ocaq Sport” klubunun 2-ci açıq birinciliyində çıxış ediblər. Bu haqda 5 aprel tarixində Sumqayıt24 Gənclər və İdman Baş İdarəsinə istinadən xəbər verir.
Bakı Olimpiya İdman Kompleksində keçirilən yarış 4-5 aprel tarixlərində baş tutub. Yarış 2016-2017; 2013-2015; 2011-2012; 2008-2010-cu il təvəllüdlü balacalar, yeniyetmələr və gənclər arasında təşkil olunub. Birincilikdə iştirak edən idmançılarımızdan Nərgiz Qulizadə, Ayan Ağazadə qızıl, Xədicə Əliyeva, Aylin Hüsizadə gümüş, İnci İsmixanlı isə bürünc medallara sahib olublar. Gimnastların məşqçisi Fatimə Qurbanovadır.
