İspaniyanın Sitges şəhərində qadın şahmatçılar arasında dünya çempionatı bu gün start götürüb. Turnirdə sumqayıtlı qrosmeyster Şəhriyar Məmmədyarovun bacıları Türkan və Zeynəb iştirak edirlər. Bu barədə 27 sentyabr tarixində AZƏRTAC məlumat yayıb.
Oktyabr ayının 3-dək davam edən dünya çempionatında Azərbaycan yığması - Günay Məmmədzadə, Gülnar Məmmədova, Türkan Məmmədyarova, Zeynəb Məmmədyarova və Ülviyyə Fətəliyeva birinci turda Hindistan, ikinci turda isə Ermənistan yığması ilə qarşılaşacaqlar.
