Sumqayıt şəhər 1 nömrəli İOEUGİŞM-də tədbir keçirilib. Sumqayıt24 bu haqda 11 iyul tarixində xəbər verir.
Sumqayıt boks məktəbinin yetirməsi, SSRİ birinciliyi və çempionatlarının qalibi və mükafatçısı, Türkiyə yığma komandasının heyətində Atlanta Yay Olimpiya Oyunlarının gümüş mükafatçısı, Sakarya Universitetinin müəllimi professor Malik Bəyləroğlu məşqçi-müəllimlərlə görüşüb.
Görüş zamanı bədən tərbiyəsi və idman sahəsində yeniliklər, yığma komandaların hazırlıq proqramlarının tərtibi və məşq proseslərinin tənzimlənməsi, idmançıların mərhələli şəkildə beynəlxalq səviyyəli yarışlara hazırlanmasına dair diskussiya aparılıb.
Sonda Malik Bəyləroğlu məşqçilərin suallarını cavablandırıb. Məktəbin direktoru, Afina Yay Olimpia Oyunlarının bürünc mükafatçısı Fuad Aslanov dəvəti qəbul edərək görüşə gəldiyi üçün Malik Bəyləroğluna kollektiv adından minnətdarlığını bildirib. Sonda xatirə şəkilləri çəkilib.
