Bəzi saytlarda Mehdi Hüseynzadə adına Sumqayıt Şəhər Stadionunun adının dəyişdirilməsi ilə bağlı məlumat yayılıb. Bu haqda 29 iyul tarixində Sumqayıt24 məlumat verir.
Məlumatda stadiona yaxın günlərdə yeni ad veriləcəyi yazılıb. Qeyd olunub ki, klub rəhbərliyi hazırda 2 biznes qurumu ilə danışıqları davam etdirir. Hansı şirkət daha sərfəli maliyyə şərtləri irəli sürsə, arenaya həmin şirkətin adı veriləcək.
Məsələ ilə bağlı “Sumqayıt” klubunun mətbuat katibi Zaur Xudiyev redaksiyamıza açıqlama verib:
“Hazırda bununla bağlı heç bir rəsmi söhbət yoxdur. Demək olar ki, boş məlumatdır. Bəlkə də, nə vaxtsa olar, hansısa bir sponsor tərəfindən sərfəli təklif olsa. Hazırda isə heç bir danışıqlar aparılmır”.
Qeyd edək ki, ölkənin ən böyük arenalarından biri olan stadionun açılışı 1 iyul 1966-cı ildə baş tutub.
