Minifutbol üzrə Azərbaycan çempionatının püşkü atılıb. Sumqayıt24 bu barədə 15 noyabr tarixində Report.az-a istinadən xəbər verir.
Tədbir "Hilton Hotel"də keçirilib. Püşkatmaya Minifutbol Federasiyasının təsisçisi və fəxri prezidenti Orxan Məmmədov, prezidenti Taleh Nəsibov, "Qarabağ" klubunun baş məşqçisi Qurban Qurbanov, futbolçusu Qara Qarayev, "Zirə"nin çalışdırıcısı Rəşad Sadıqov, müdafiəçisi Ruslan Abışov və Azərbaycan yığmasının sabiq üzvü Vaqif Cavadov qatılıblar.
Nəticəyə əsasən, 1-ci turda “Sumqayıt” “Bakı” ilə qarşılaşacaq.
Qeyd edək ki, ilk iki yeri tutan komandalar Çempionlar Liqasına, 3-cü yerin sahibi isə Avropa Liqasına vəsiqə qazanacaq.
