Yunan-Roma güləşçisi İslam Abbasov (87 kq) Avropa çempionatında yarımfinala yüksəlib. Sumqayıt24 bu haqda Güləş Federasiyasının saytına istinadən xəbər verir.
Belə ki, ilk mərhələdə xorvat Matey Mandiçə minimal hesabla qalib gələn İslam, 1/4 final mərhələsində serbiyalı dünya çempionu və Tokio Olimpiadasının bürünc medalçısı Zurabi Datunaşvili ilə qarşılaşıb. Rəqibini bu səfər də məğlub edən təmsilçimiz yarımfinala vəsiqə qazanıb.
